Blog POMPARAN TOGA ARITONANG SE-INDONESIA

POMPARAN TOGA ARITONANG SE-INDONESIA

Parhorason ma dihita saluhunta Pomparan Toga Aritonang di liat portibion.....

Blog POMPARAN TOGA ARITONANG SE-INDONESIA on sasintongna nungga adong sejak pangarapoton parjolo ima rencana ni POMPARAN TOGA ARITONANG SE-INDONESIA dinalaho pajonjonghon Tugu Aritonang di Bona Pasogit, Laos hatiha i dibuat ma sada domain namargoar aritonang.com. Alai hinorhon ni angka pardalanan huhut siala hurang hattus dope angka natua-tua taringot hinaringkot ni web site i, ujungna laos habis ma masani domain i huhut gabe mago.

Mardomu ma tu pardalanan ni tingki, jala naung pinaihutihut salelengon tarlumobima di ari naparpudi on, adong Group Facebook Aritonang Se-Dunia, hami sandiri dang apala takkas huboto hami, toho manang ndang sian parbinotoan ni Badan Pengurus Harian (BPH) Pomparan Toga Aritonang do Group Facebook i manang ndang. Nian tung mansai maol situtu do saluhutna hita menyikapi si songon on; alana sah-sah saja do molo adong sasahalak Pomparan ni Aritonang laho patupahon Group Facebook; jala laos godang do na gabe si pangihut tu Group Facebook i; alai terakhir adong sada Postingan naboi laho paroahon Pomparan Aritonang ala terkesan Group Facebook i ndang mangkalomohon Pemerintahan si saonari on.

Molo hupaihut-ihut hamu, ternyata ndang holan sada, manang dua Group Facebook Aritonang Se-Indonesia bahkan sedunia. Jala ndang adong dope dapot hami Informasi taringot tu keabsahan ni angka Group Facebook i, apakah sian parbinotoan ni BPH Pomparan Toga Aritonang manang ndang, laos songon i do nang Blog POMPARAN TOGA ARITONANG SE-INDONESIA on.

Alani i marhite tulisan on naeng marpangidoan ahu sandiri Arifin Aritonang - Batam boha molo tapasada sude angka Group Facebook manang Web Blog na mengatasnamakan Aritonang asa gabe tapasada gabe songon sada website (beli /sewa domain dan hosting) jala ingkon sian parbinotoan ni Badan Pengurus Harian (BPH) Toga Aritonang Se-Indonesia / Dunia ma nian.

Jadi hami sandiri ala kebetulan adong saotik pangantusion nami hombar tu na patupahon website naboi ma hami mengurupi tu pengadaan ni website offisial ni Toga Aritonang Se-Indonesia manang sedunia.

Jadi sahali nai marhite tulisan on nanaeng mangido advice do hami sian Haha-Anggi Partubu nami songon BPH ni Toga Aritonang Se-Indonesia/ Sedunia.

Horas